[Kde-i18n-nds] noch was los bei euch?

[Manfred Wiese]

Moin alltohoop!

An'n 26.08.2009 22:36 hett Soenke Dibbern schreven:
> Op Mi., den 26. Aug.'09, hett Nils-Christoph Fiedler Klock 13.07 schreven:
>
>   
>> *Moin Sönke!*
>>
>> Dat mit de Eenheitlichkeit in de Översettung un de regionalen
>> Unnerscheed is so een Saak. Ik weet jor dat Platt all över de Welt
>> schnackt weerd.
>> Un ik hebb ook de "neuenSASS" in't Regal stahn un bruuk em ook vun Tied
>> to Tied, aver as dat jümmers so is: Mit de Generalisierung vun de
>> Schrievwies kümmt ook jümmers de Charakter un'n beten an Identität
>> avhannen. Un an Enn is dat denn een Platt, dat wi all verstohn, aver dat
>> villicht keener to Huus bi Oma in Stuuv schacken deiht.
>>     
>
> Jo, dat is so'n "design decision", as se op Nieghoochdüütsch seggt. Man ik  
> glööv, snacken deit Een so un so nich so as schrieven, dat gellt ok för't  
> Düütsche un all anner Spraken, de ik jichtens maal anfaat heff. De  
> Utspraak lett sik doch bloots mit IPA-Tekens[¹] nau weddergeven. Un wat en  
> plattdüütsch Dialekt utmaakt, is mehrsttiets nich so de Utspraak, man  
> faken sünd dat de besünnern Wöör sülven, de bloots binnen een Rebeet  
> bruukt warrt, un wiss grammatsche Konstruktschonen. So wat as "Dat sünd  
> Stücker dree." a.B. kenn ik bloots vun't Lesen.
>   
Luudschrift is en fien Saak, man de Utspraak is faken ok heel anners. Op
»Utslopen?« anterst hier beter mit »Jo!«, »Nee...« oder »Afbrouken.«. -
Seggst »Afbraken«, as in'n Kohlenpott, kiekt de Lüü en beten scheel ut
de Kleddasch...

Wat in't Rhienland (hm, hier is »Nordrhien-Westfolen« dat »Rhienland«)
en »Mottek« (Vorhammer)
(http://www.ruhrgebietssprache.de/lexikon/mottek.html
<http://www.ruhrgebietssprache.de/lexikon/mottek.html>) is, klingt hier
so as »Moucher« oder ok »Mouka« (vun »moukt (also na Sass »maakt«)
kaputt« oder so.). Na Sass is dat Deert man en »Moker« oder ok »Maker«.
Schull denn jo normalerwies beter »Maaker« ween.
Un allens weet de nu ok nich. En »Lühnchen« kannst dor nich finnen,
bloots en »Lünk« (Spatz).

Man as Utgliek kannst hier wull mennigmaal ok »So Stücker dree...«
hören, a.B., wenn Een Rundstücken köfft. :)
> Wenn wi nich anfangt un de Lüüd vörschrieven wüllt, se mööt "snacken"  
> seggen un "praten" oder "küern" geiht gor nich, oder se mööt "Lüüd" bruken  
> un dörvt nich "Lü" oder "Lüde" bruken, denn blifft dor na mien Verscheel  
> ok noog Ruum för de verscheden Dialekten. Liekers glööv ik, binnen een  
> "Wark", also een Book oder een Schriefdischümgeven schullen de Autoren för  
> "Book" jümmers een Schriefwies bruken, un nich maal "Book", maal "Bok" un  
> annerwarts wedder "Bouk".
>   
Tomehrst schull dat wull ok glücken, wa. ;)
> Un de Sass is för mi ok nich jüst dat Geele vun't Ei. Dat gifft anner  
> Schriefwiesen, de sik a.B. beter för Nedersaksisch bruken lett as Sass  
> sien Systeem, dat för Lüüd maakt is, de al Düütsch lesen köönt. Liekers  
> dücht mi, een Standard is beter as keen Standard. Un Sass *is* wiet un  
> siet de Standard för Plattdüütsch.
>
>
>   
>> Aver dat mit aspell is jor ne goode Idee. Ik hebb dat nur nich funnen in
>> mien Paketwellen för Ubuntu. Brukt ji denn överhööft Ubuntu or nehmt ji
>> SuSE or wat anners mit KDE?
>>     
>
> Nu, *ik* bruuk SuSE, wat de Annern hebbt, weet ik jüst nich.
Opstunns is dat hier openSuSE 11.1 un dat KDE ut "trunk".
>  Man Ubuntu  
> (oder KUbuntu) hett so sien Nadelen, wenn dat üm Översetten geiht. Op de  
> een Siet gifft dat Rosetta, so dat elkeen mitröhren kann, wat de Gööd nich  
> jüst beter maakt. Un ob de anner Siet pleegt se dor de  
> "Böverloop"-Översetten (de vun't KDE-Projekt) nich jümmers in, se beedt de  
> Lüüd denn överhaalt Översetten an (tominnst weer dat so, as ik dat  
> verleden Maal nakeken heff, mag angahn, se hebbt dat bilüttens op de Reeg  
> kregen).
Oha... http://markmail.org/message/uurgk6w5kgjj63st#query:+page:1+mid:ho5m2jzms33tamt3+state:results, http://markmail.org/search/?q=ubuntu&q=list%3Aorg.kde.kde-i18n-de
<http://markmail.org/search/?q=ubuntu&q=list%3Aorg.kde.kde-i18n-de>
, http://www.nabble.com/forum/Search.jtp?forum=6485&local=y&query=ubuntu
<http://www.nabble.com/forum/Search.jtp?forum=6485&local=y&query=ubuntu>
> Na, ik bün 37, ok nich so veel öller, un recht hest dor mit dat, wat Du  
> seggst. Wat de Annern ehr Öller verraden wüllt, mööt se sülven weten, ik  
> do dat nich. ;-)
>   
Ha, denn bün ik mit mien 49 ok nich veel öller... ;)
>
>   
>> Also hoop ik man ook, dat dat Gnome Projekt n beten vun KDE profitieren
>> künn!
>>     
> Warrt wi wull torechtkriegen!
>
> Beste Gröten ut Berlin
> Sönke
>
>
>   
Jo, wa. Un fien, dat dat Gnome-Projekt woller leevt. :)


Gröten ut Jaad (Jade),

Fred
-------------- next part --------------
An HTML attachment was scrubbed...
URL: http://mail.kde.org/pipermail/kde-i18n-nds/attachments/20090827/adf9d552/attachment-0001.htm