<!DOCTYPE html PUBLIC "-//W3C//DTD HTML 4.01 Transitional//EN">
<html>
<head>
<meta content="text/html;charset=UTF-8" http-equiv="Content-Type">
<title></title>
</head>
<body bgcolor="#ffffff" text="#000000">
Moin alltohoop!<br>
<br>
An'n 26.08.2009 22:36 hett Soenke Dibbern schreven:
<blockquote cite="mid:op.uzad69e0hcj86w@smtp.web.de" type="cite">
<pre wrap="">Op Mi., den 26. Aug.'09, hett Nils-Christoph Fiedler Klock 13.07 schreven:
</pre>
<blockquote type="cite">
<pre wrap="">*Moin Sönke!*
Dat mit de Eenheitlichkeit in de Översettung un de regionalen
Unnerscheed is so een Saak. Ik weet jor dat Platt all över de Welt
schnackt weerd.
Un ik hebb ook de "neuenSASS" in't Regal stahn un bruuk em ook vun Tied
to Tied, aver as dat jümmers so is: Mit de Generalisierung vun de
Schrievwies kümmt ook jümmers de Charakter un'n beten an Identität
avhannen. Un an Enn is dat denn een Platt, dat wi all verstohn, aver dat
villicht keener to Huus bi Oma in Stuuv schacken deiht.
</pre>
</blockquote>
<pre wrap=""><!---->
Jo, dat is so'n "design decision", as se op Nieghoochdüütsch seggt. Man ik
glööv, snacken deit Een so un so nich so as schrieven, dat gellt ok för't
Düütsche un all anner Spraken, de ik jichtens maal anfaat heff. De
Utspraak lett sik doch bloots mit IPA-Tekens[¹] nau weddergeven. Un wat en
plattdüütsch Dialekt utmaakt, is mehrsttiets nich so de Utspraak, man
faken sünd dat de besünnern Wöör sülven, de bloots binnen een Rebeet
bruukt warrt, un wiss grammatsche Konstruktschonen. So wat as "Dat sünd
Stücker dree." a.B. kenn ik bloots vun't Lesen.
</pre>
</blockquote>
Luudschrift is en fien Saak, man de Utspraak is faken ok heel anners.
Op »Utslopen?« anterst hier beter mit »Jo!«, »Nee...« oder
»Afbrouken.«.
- Seggst »Afbraken«, as in'n Kohlenpott, kiekt de Lüü en beten scheel
ut de Kleddasch...<br>
<br>
Wat in't Rhienland (hm, hier is »Nordrhien-Westfolen« dat »Rhienland«)
en »Mottek« (Vorhammer) <a
href="http://www.ruhrgebietssprache.de/lexikon/mottek.html">(http://www.ruhrgebietssprache.de/lexikon/mottek.html</a>)
is, klingt hier so as »Moucher« oder ok »Mouka« (vun »moukt (also na
Sass »maakt«) kaputt« oder so.). Na Sass is dat Deert man en »Moker«
oder ok »Maker«. Schull denn jo normalerwies beter »Maaker« ween.<br>
Un allens weet de nu ok nich. En »Lühnchen« kannst dor nich finnen,
bloots en »Lünk« (Spatz).<br>
<br>
Man as Utgliek kannst hier wull mennigmaal ok »So Stücker dree...«
hören, a.B., wenn Een Rundstücken köfft. :)<br>
<blockquote cite="mid:op.uzad69e0hcj86w@smtp.web.de" type="cite">
<pre wrap="">
Wenn wi nich anfangt un de Lüüd vörschrieven wüllt, se mööt "snacken"
seggen un "praten" oder "küern" geiht gor nich, oder se mööt "Lüüd" bruken
un dörvt nich "Lü" oder "Lüde" bruken, denn blifft dor na mien Verscheel
ok noog Ruum för de verscheden Dialekten. Liekers glööv ik, binnen een
"Wark", also een Book oder een Schriefdischümgeven schullen de Autoren för
"Book" jümmers een Schriefwies bruken, un nich maal "Book", maal "Bok" un
annerwarts wedder "Bouk".
</pre>
</blockquote>
Tomehrst schull dat wull ok glücken, wa. ;)<br>
<blockquote cite="mid:op.uzad69e0hcj86w@smtp.web.de" type="cite">
<pre wrap="">
Un de Sass is för mi ok nich jüst dat Geele vun't Ei. Dat gifft anner
Schriefwiesen, de sik a.B. beter för Nedersaksisch bruken lett as Sass
sien Systeem, dat för Lüüd maakt is, de al Düütsch lesen köönt. Liekers
dücht mi, een Standard is beter as keen Standard. Un Sass *is* wiet un
siet de Standard för Plattdüütsch.
</pre>
<blockquote type="cite">
<pre wrap="">Aver dat mit aspell is jor ne goode Idee. Ik hebb dat nur nich funnen in
mien Paketwellen för Ubuntu. Brukt ji denn överhööft Ubuntu or nehmt ji
SuSE or wat anners mit KDE?
</pre>
</blockquote>
<pre wrap=""><!---->
Nu, *ik* bruuk SuSE, wat de Annern hebbt, weet ik jüst nich.</pre>
</blockquote>
Opstunns is dat hier openSuSE 11.1 un dat KDE ut "trunk".<br>
<blockquote cite="mid:op.uzad69e0hcj86w@smtp.web.de" type="cite">
<pre wrap=""> Man Ubuntu
(oder KUbuntu) hett so sien Nadelen, wenn dat üm Översetten geiht. Op de
een Siet gifft dat Rosetta, so dat elkeen mitröhren kann, wat de Gööd nich
jüst beter maakt. Un ob de anner Siet pleegt se dor de
"Böverloop"-Översetten (de vun't KDE-Projekt) nich jümmers in, se beedt de
Lüüd denn överhaalt Översetten an (tominnst weer dat so, as ik dat
verleden Maal nakeken heff, mag angahn, se hebbt dat bilüttens op de Reeg
kregen).</pre>
</blockquote>
Oha... <a
href="http://markmail.org/message/uurgk6w5kgjj63st#query:+page:1+mid:ho5m2jzms33tamt3+state:results">http://markmail.org/message/uurgk6w5kgjj63st#query:+page:1+mid:ho5m2jzms33tamt3+state:results</a>, <a
href="http://markmail.org/search/?q=ubuntu&q=list%3Aorg.kde.kde-i18n-de">http://markmail.org/search/?q=ubuntu&q=list%3Aorg.kde.kde-i18n-de</a><br>
, <a
href="http://www.nabble.com/forum/Search.jtp?forum=6485&local=y&query=ubuntu">http://www.nabble.com/forum/Search.jtp?forum=6485&local=y&query=ubuntu</a><br>
<blockquote cite="mid:op.uzad69e0hcj86w@smtp.web.de" type="cite">
<pre wrap="">Na, ik bün 37, ok nich so veel öller, un recht hest dor mit dat, wat Du
seggst. Wat de Annern ehr Öller verraden wüllt, mööt se sülven weten, ik
do dat nich. ;-)
</pre>
</blockquote>
Ha, denn bün ik mit mien 49 ok nich veel öller... ;)<br>
<blockquote cite="mid:op.uzad69e0hcj86w@smtp.web.de" type="cite">
<pre wrap="">
</pre>
<blockquote type="cite">
<pre wrap="">Also hoop ik man ook, dat dat Gnome Projekt n beten vun KDE profitieren
künn!
</pre>
</blockquote>
<pre wrap=""><!---->Warrt wi wull torechtkriegen!
Beste Gröten ut Berlin
Sönke
</pre>
</blockquote>
Jo, wa. Un fien, dat dat Gnome-Projekt woller leevt. :)<br>
<br>
<br>
Gröten ut Jaad (Jade),<br>
<br>
Fred<br>
</body>
</html>