[Kde-i18n-nds] Wi sünd nu fardig.
Soenke Dibbern
s_dibbern at web.de
Sat Sep 15 00:49:43 CEST 2007
Moin, alltohoop!
Wat ik jüst noch künnig maken wull: Wi sünd nu eerst maal fardig mit
översetten. KDE is heel un deel torecht, dor is keen enkelte Tekenkeed
mehr na (kiek op http://l10n.kde.org/stats/gui/stable/toplist.php ). KDE
3.5.8 warrt to 100% op Platt wesen (nja, tominnst de graafsche Böversiet -
de Dokmentatschoon hebbt wi noch nich anfaat).
Wat meent ji - schöölt wi dat 'n beten wat breder künnig maken, as Bispill
Tietschriften un Daagblääd anschrieven, de Saak Verenen un Verbänn
mitdelen, de Informatschoon Lokaalfunkhüüs (Bremen Een,NDR 1, usw.)
tostüern?
Denn weer dat goot, wenn sik dor Een finnen deit, de vun so wat wat afweet
- dat muss denn en beten gauer gahn, to Johrswessel steiht KDE 4 vör de
Döör, un dor sünd wi al lang noch nich so wiet
(http://l10n.kde.org/stats/gui/trunk-kde4/toplist.php ).
Laat wat vun sik hören!
Sodennig,
Sönke
More information about the Kde-i18n-nds
mailing list