[Kde-i18n-nds] Nochmaal Goosfööt...

[Manfred Wiese]

Moin Heiko,

An'n 28.01.2007 23:32 hett Heiko Evermann schreven:
> Ik denk, dat is goot. Bloots een Saak: de Grundfoorm is "enkelt" (enkelt, 
> enkelte) un nich "enkel" => enkelt Goosfööt is better
velen Dank för den Henwies. - Nu (to laat) seh ik dat ok.

Aver mi hett dat wull ok ehr tosamenschreven vörsweevt: "Enkelgoosfoot".
Wi köönt aver ok "Enkelstreek" oder "Lüttstreek" (baven/nerrn) oder wat
ok jümmers bruken... ;)

Tscha, wat schall ik Di seggen,  _dat_ is t.B. ok een vun de Fehlers, de
ik leider jümmers so twischendör maal inbu. Sönke kann Di dor seker ok
en Leed vun singen, ik senn em mien Kraams jo jümmers för de Nakiek.

En intressant Saak wöör in den Tosamenhang an'n verleden Dingsdag en
Bidrag op WDR3 in "Quarks&Co." mit Ranga Yogeshwar. Dat Thema wöör
"Neues vom Gehirn ? Wie wir lernen". http://www.quarks.de/dyn/32283.phtml
Dor hebbt se utklamüstert, wodennig Een t.B. Frömdspraken lehrt. Un
kiek: Opwussen Lüüd maakt faken so Fehlers, un de Lüüd, de en
Frömdspraak al as lütte Kinner lehrt hebbt, tomehrst nich.
As Bispeel hebbt se "gahn" nahmen. De Kinner bruukt dat t.B. automaatsch
richtig, un seggt "Du geihst". Lüüd, de en Spraak wat later lehrt hebbt,
bruukt faken so Saken as "Du gahn". - Hm, dor heff ik denn direktemang
an mien .pos un Sönke sien Duld dacht. Oder ok an "lett" ansteed vun
"laat" un so Saken.

Ik segg Di, do markt Een denn ok, dat Een öller warrt... ;)


Gröten,

Fred
-------------- next part --------------
An HTML attachment was scrubbed...
URL: http://mail.kde.org/pipermail/kde-i18n-nds/attachments/20070129/f205a052/attachment.html