[Kde-i18n-nds] Göösfööt

[Heiko Evermann]

Moin Manfred,
> dat segg ik Di, eenfach is dat redig nich. Ik wull mi ok mol künnig
> maken, man de Lüüd umzu (wo wi hentreckt) snackt all ehr egen Platt. De
> mehrsten, de ik bet nu ansnackt heff, seggt dor woll "Goosfööd" ansteed
> vun "Göösfööt" to.
Goosfööt klingt beter as "Göösfööt", dat dubblete "öö" hett 'n komische 
Melodie un bi twee Fööt is da ja ok bloots een Goos...

> Mit "Pooten" meent Een hier faken eenfach de Hänn. Man ok de Fööt vun en
> Swien warrt "Pooten" nöömt. So gifft dat ok t.B. dat Eten "Stäckröben un
> Pooten" (Na Sass heet ehr "Steekröven"...). Dat sünd Wrucken (ok
> "Ollenburger Ananas" nöömt) mit kaakt Swienspooten.
Klor, Hunnen un Swien hebbt Poten, blots Vagels nich.

Sönke harr noch "Zitatteken" vörslaan. Blots dat klingt noch hoochdüütscher as 
"Goosfööt". Is swoor. Villicht mutt wi bloots mal wat fastleggen. Dat kummt 
denn in KDE vör un ok 'n poor Mal in de plattdüütsche Wikipedia. Dat sett 
denn den Standard för annere Lüüd, de dat söcht.

Hartlich Gröten,

Heiko