[Kde-i18n-nds] Goosfööt

[Manfred Wiese]

Moin Heiko,

An'n 11.01.2007 22:36 hett Heiko Evermann schreven:
> Moin Manfred,
> ...
> Goosfööt klingt beter as "Göösfööt", dat dubblete "öö" hett 'n komische 
> Melodie un bi twee Fööt is da ja ok bloots een Goos...
>   
dat freit mi, dat ik ok hier villicht mol wat bistüern kunn.

> ...
> Sönke harr noch "Zitatteken" vörslaan. Blots dat klingt noch
> hoochdüütscher as
> "Goosfööt". 
Jo, "Zitatteken" lett so eddel. Aver dat gifft jo sprangwies ok noch
"Anföhrenteken" un "Anföhrenstreken (... baven / ... nerrn)". ;)

> Is swoor. Villicht mutt wi bloots mal wat fastleggen. Dat kummt 
> denn in KDE vör un ok 'n poor Mal in de plattdüütsche Wikipedia. Dat sett 
> denn den Standard för annere Lüüd, de dat söcht.
>   
Jo. Un dat is en Verantwoorden. Wenn wi hier wat fastleggt, denn stellt
wi tominnst en Standard för de Nettverschoon op. Dat maakt wi villicht
ok nu al, wenn wi hier en poor Wöör wat fakener bruukt. Ik glööv, wi
mööt uns al so ranhollen, wiel Fru Google slöppt nich un tellt ok hier
al elk Woort mit. (Ut dissen Grund heff ik t.B. ok jüst almaal de
Överschrift hier na "Goosfööt" ännert.) Wenn Een den tokamen Maand wat
söcht, gifft dat seker ok al noog Söökresultaten, de na hier wiest.
> Hartlich Gröten,
>
> Heiko
>   
Gröten torüch ok,


Fred