[Kde-i18n-nds] Göösfööt

[Manfred Wiese]

Moin tosamen,

An'n 11.01.2007 11:22 hett Heiko Evermann schreven:
> Hmm, 
> * Däänsch: "Gåseøjne" (= Göösogen )
> * islännsch: Gæsalappir (= Göösfööt )
> * Norweegsch: Gåseauge/gåseøyne (= Göösogen )
> Dat maakt ok annere Spraken so. 
>
> ...
>
> Is mal wedder allens nich so eenfach...
>   
dat segg ik Di, eenfach is dat redig nich. Ik wull mi ok mol künnig
maken, man de Lüüd umzu (wo wi hentreckt) snackt all ehr egen Platt. De
mehrsten, de ik bet nu ansnackt heff, seggt dor woll "Goosfööd" ansteed
vun "Göösfööt" to.

Mit "Pooten" meent Een hier faken eenfach de Hänn. Man ok de Fööt vun en
Swien warrt "Pooten" nöömt. So gifft dat ok t.B. dat Eten "Stäckröben un
Pooten" (Na Sass heet ehr "Steekröven"...). Dat sünd Wrucken (ok
"Ollenburger Ananas" nöömt) mit kaakt Swienspooten.

Tscha, wat Een dat nu wiederhülpt, is de Fraag...


Gröten,

Fred