[Kde-i18n-nds] aspell-nds

[Heiko Evermann]

Moin Manfred,
> Moin ok,
> denn man bloots kort, wiel Du dat woll hier besnacken wullt:
>
> Nu, wenn de Hund nich scheten harr, harr he den Hasen kregen...
>
> So wat en halv Johr lang wöör de List sotoseggen "doot", man binnen
> disse Tiet sünd wi mit översette Mellen vun ünner 25 Perzent bi över 50
> Perzent anlangt.
>
> Ik glööv, dor is -ok ahn List- eerstmool noog bi rutkamen. Sünnerlich,
> wiel ik Di jo ok en poor .po's schickt heff (noch as "IhmSelbst"), man
> dor nienich jichtenseen Antwoort vun Di kregen heff. (As dat lett harrst
> woll noog mit dat wiki to doon hatt.)
>
> Denn heff ik Sönke dormit (mit de .po's) trietst, un tosamen hebbt wi
> dat woll henkregen.
>
> Tscha, wat schall ik dor eerst noch na de List schrieven?
Nu, ik hebb mit de Firma veel to doon hett un as Du an de List schreven hest, 
dor hebb ik för so technische Saken as KDE ok gor nich den Kopp free hett.

Un Sönke hett ja nu schreven, dat ji twee vele Mails uttuuscht hebbt. Is ja ok 
goot. Un ik frei mi ok, dat dor so veel bi rutsuert is. Dor will ik mi gor 
nich beklagen. 

Ik hebb blots in de Twischentiet gor nich sehn, wat ji allens maakt hebbt. Un 
ik denk mi, dat is ja mit all de annern Lüüd, de op de List inschreven sünd 
ok wohl so wesen. Un ik meen dormit gor nich de PO-Dateien, dat de an de List 
gahn schullt. Blots wenn wat passeert, helpt dat ja, wenn alle Lüüd dat to 
weten kregen.

Ik frei mi tominnst, dat Du nu mit dorbi büst un dat Du so veel maakt hest. Un 
ik harr di noch gar nich willkamen seggt. Dat will ik nu ok doon: Hartlich 
willkamen un velen velen Dank för all Dien Arbeit.

Hartlich Gröten,

Heiko