[Kde-l10n-ia] Traduction de "About %s" in le componento GUI pro monstrar information super un application

[giovanni]

Io a cambiate le termino "circa "  in tote le files de version "stable".
Pro le version trunk on debe attender un pauc.
Le traduction de "about" non es simple proque dependente del contexto.
Io crede que le situation es simile al italiano, ubi omne traduction pro un 
etiquetta sur un button sona como al minus limitate (A proposito (di noi), 
Informazioni (su), su, circa etc.etc.).
Como usator io vide que in italiano non existe un solution unic, tal vice es 
un question de contexto e de stilo personal.

Le Dominica 31 Martio 2013 20:05:51 Nik Kalach scribeva:
> Io es in accordo con Martijn - le sol parola "Super" como un nomine del
> elemento de menu es confundente. Ma "a proposito!" ha le traduction "by the
> way, incidentally" in IED e solmente "(verbo) a proposito" ha le senso "(do
> something) to the purpose". Es illo un ben representation del senso "About
> something"?
> 
> Nos ha tres situationes ubi nos incontra "About":
> 1. Elemento de menu tal como "Help -> About Firefox"
> 2. Elemento de menu con le sol parola "About"
> 3. In le titulo del fenestra apparente post le selection del elemento de
> menu "About".  Per examplo, le titulo "About Mozilla Firefox"
> 
> Gtk+ ha dua catenas pro traducer: "About %s" e "_About".
> Le linguas de fonte ha le translationes sequente pro "About %s":
> fr: À propos de %s
> es: Acerca de %s
> it: Informazioni su %s
> pt_BR: Sobre o %s
> de: Info zu %s
> ru: О программе %s  [O programme %s]
> 
> Pro "_About" nos ha:
> fr: À _propos
> es: Acerca _de
> it: I_nformazioni
> pt_BR: _Sobre
> de: _Info
> ru: _О программе [_O programme]
> 
> Le selection de littera pro le accelerator complica le decision. Le
> selection non debe confliger con altere acceleratores in elementos de menu.
> Gtk+ ha le notion de "Stock labels" (etiquettas standard). Illos contine le
> ambe "Information" (sin accelerator) e "_About".
> _______________________________________________
> Kde-l10n-ia mailing list
> Kde-l10n-ia a kde.org
> https://mail.kde.org/mailman/listinfo/kde-l10n-ia