[Kde-l10n-ia] Uso de parola file

[Martijn Dekker]

At 20:10 +0200 16-05-2010, g.sora wrote:
>Isto es un altere demanda de prova pro le lista, totevia le argumento es
>interessante.
>
>Io usa "archivo" como traduction del termino "file".
>Io non ama file proque le termino ha un pronunciation irregular in 
>interlingua.
>
>Il pote esser correcte usar archivo?

Si, "archivo" pote esser correcte como traduction litteral de "file", 
specialmente in contextos non computatorial.

Ma "file" in anglese ha assumite un nove e distincte senso, in 
informatica: un unitate de datos, accessibile sub un certe nomine.

Isto es distincte de "archive" in anglese. In senso informatic, un 
"archive" es un collection de "files" combinate in un singule "file", 
comprimite o non (p.ex. .tar, .zip).

Dunque, si nos traduce "file" como "archivo", nos ha un problema 
semantic. Como traducer "archive"? Securmente, le traduction natural 
de "archive" es "archivo".

"An archive collects several files into one file." Un archivo collige 
plure archivos in un sol archivo? Non functiona.

Il me pare melior lassar "file" non traducite, includente le 
pronunciation irregular que anque io non ama.

- Martijn