[KDE-SHQIP] Sugjerime, vërejtje dhe ankesa për përkthimin e GCompris 1.1

[Dashamir Hoxha]

On Mon, Mar 22, 2021 at 10:40 AM Besnik Bleta <besnik at programeshqip.org> wrote:
>
> Janë të mirëpritura.

Besnik,

I kam ngarkuar përkthimet e GCompris në B-Translator:
https://btranslator.net/btr/project/KDE/gcompris/sq/list

Për fat të mirë duket se ende punon, pas kaq shumë vitesh i lënë pa përdorur.
Nqs unë bëj ndonjë sugjerim aty, normalisht ti duhet të njoftohesh me email.
A e merr apo s'e merr parasysh sugjerimin kjo është puna jote.

Nqs sugjerimi të duket i arsyeshëm, ti mund të korrigjosh skedarët PO
që ke në kompjuterin tënd, para se ti ridërgosh te KDE.
Por një mundësi tjetër është që ta mbështesësh sugjerimin tim në
B-Translator (dhe besoj se mund ta fshish edhe përkthimin e vjetër,
nëse e sheh të arsyeshme).
Në fund (p.sh. pas 1 muaji ose 3 muajsh) mund ti nxjerrësh
(eksportosh) përkthimet nga B-Translator në format PO. Ke mundësi që
të nxjerrësh vetëm ato përkthime që kanë miratimin tënd (votën tënde),
duke i injoruar efektivisht sugjerimet e mija (ose të dikujt tjetër)
që nuk të pëlqejnë.

Këto skedarë PO që nxiren nga B-Translator, e mira është që të bëhen
merge me skedarët e tu lokalë, para se të dërgohen në KDE. Një nga
arsyet është se B-Translator e kufizon gjatësinë e vargjeve dhe të
përkthimeve deri në 1000 shkronja, dhe nëse ka të tilla nuk i
importon. Kështu që edhe kur eksportohen skedarët PO këto mungojnë.
Vura re që GCompris ka nja 2-3 të tilla që janë shumë të gjata.
Ndoshta editorët PO e lejojnë bashkimin/shkrirjen e dy skedarëve PO,
ose mund të bëhet nga vija e komandave:
https://medium.com/i18n-and-l10n-resources-for-developers/how-to-combine-two-po-translation-files-together-f48b1952c080

A të duket e arsyeshme apo e pranueshme kjo mënyrë pune (duke përdorur
B-Translator për sugjerimet)? Për mua të paktën (që bëj sugjerimet)
është më kollaj sesa të hap skedarët PO të GCompris, dhe ti postoj
sugjerimet në listë.

Dashamiri