[Kde-i18n-nds] KDE4

[Soenke Dibbern]

An'n Fr., den 08. Jun.'07, hett Heiko Evermann dit Klock 23.26 schreven:

> Gifft dat al 'n Plan för Plattdüütsch in KDE4? De Översetten vun  
> KDE3.5/stable
> is ja meist bi 100%.
>
> Wat KDE4 angeiht, hebb ik dat henkregen 'n Grootdeel vun KDE4-pre-alpha  
> op
> mien Reekner to compileern. Schall ik mol versöken, de Översetten ut  
> KDE3.5
> dor rintokoperen um mal to kieken, wo goot de noch to KDE4 passt?
>
> Oder hebbt ji an KDE4 al wat maakt?

Moin Heiko!
Kiek Di man maal http://l10n.kde.org/stats/gui/trunk-kde4/toplist.php an.  
Dat mehrste hebbt de Lüüd vu KDE al per Skript vun KDE3 na KDE4  
överdragen, un wi hebbt ok al en beten wat bito daan. Ik warr mi wull  
binnen den tokamen Maand maal en SuSE 10.2 op mien Reekner tüdeln, dor  
stellt Novell/SuSE KDE4-Paketen för praat, un denn geiht dat för mi rejell  
loos mit KDE4. Mien Plaan is, dat wi denn binnen KDE3 hebbt wat wi hebbt  
un bloots noch KDE4 maakt, un villicht af un an maal wat torüchporteert,  
wenn't sik so passen deit.

Wat Fred maakt oder dor över denkt, weet ik jüst nich, wi sünd opstunns  
beed bi un saneert uns niege Hüüs. Bito heff ik ok noch dat Arbeiden  
wedder anfungen, so hebbt wi annerlest nich soveel snackt.

Gröten,
Sönke