[Kde-i18n-nds] kdeedu?

[Soenke Dibbern]

Moin Heiko, moin Ji all!

An'n Sa., den 11. Nov.'06, hett Heiko Evermann dit Klock 22.27 schreven:

> Dat Problem bi kdeedu sünd de natuurwetenschopplichen Programmen, de  
> dorbi sünd:
> * kstars
> * kalzium
> * de mathemaatschen Programmen so as kig un kmplot
> Dor hebbt wi en Probleem, dat wi ok in de plattdüütsche Wikipedia hebbt:  
> dat
> gifft de Wöör noch nich op Platt un de sünd echt swoor to finnen. 'n poor
> gifft dat al, aber dat hett düert, de to finnen.
>
> Ik denk mi, bi de Natuurwetenschop is dat wichtig, dat de Wöör, de wi dor
> bruukt, goot sünd. Kloor, dat is jümmers wichtig, aber ik finn dat dor  
> noch
> wichtiger as bi de Reekners.
>
> Mien Vörslag is, dat wi toeerst eenmal de Wöör insammelt, de wi dor  
> bruukt (op
> Ingelsch un Hoochdüütsch (ut de hoochdüütschen po-Dateien). Un denn denk  
> ik,
> dat wi dor veel tosamen överleggen mööt, wat wi dor mit maakt. Dor mut wi
> wohl ok veel över snacken. Villicht köönt wi dor ok in de Wikipedia mit
> överleggen. Wi hebbt dor nämlich al wat anfungen:
> http://nds.wikipedia.org/wiki/Wikipedia:Wikiprojekt
> mit Ünnersieden [...]

Jo, wi bruukt gode Wöör för de Begrepen op't wetenschapliche Flach, man mi  
dücht, wenn wi dat so maakt, as Du dat vörslaan hest, warrt dor dree kole  
Winters nix vun. Ik bin dor bang för, dat ut 10 Wöör 25 Diskuschonen  
warrt, de denn över 2,3 Maanden loopt, un an't Enn gifft dat liekers keen  
düütlich Resultaat, wiel wi över't Nett nich propper afstimmen köönt, so  
dat dat jümmers allens twiefelhaftig blifft.

Ik stell mi vör, dat wi eerstmaal anfangt un wat vörleggt (Fred hett jo al  
"blinken" un "desktop_kdeedu" maakt, un ik denk mi, dat he nu mit  
"kalzium" togang is) - denn köönt wi uns jümmers noch in de Klafutten  
kriegen, bloots sünd wi denn al wat vörankamen. Ik seh miene Översetten so  
un so faken mehr as Vörslääg. Denn köönt wi denn de bruukten (vörslaan)  
Wöör sammeln un dor op de Wikipedia-Projektsieden över Raat hollen, wenn  
dat nich al vördem maakt wöör, t.B. över disse List. Dor bün ik ok mit Di  
op een Stück, dat kann bloots goot wesen, wenn wi al bi't Översetten hier  
över de Wöör snackt.

So, dit eerst maal vun mien Siet to disse Fraag. Ik fang nu binnen kdeedu  
nerrn mit libkdeedu an.

Hollt sik,
Sönke