[Kde-i18n-nds] kdeedu?

Heiko Evermann heiko.evermann at gmx.de
Sat Nov 11 22:27:46 CET 2006


Moin Sönke, 
> Nee, kdeedu is - bet op kgeography - en Wööst. Wenn Du keen Lust op
> kdeaccessibility hest, maak ik dat fardig - denn kann ik ok maal wedder
> wat översetten, un Du kunnst direktemang mit wat anners anfangen. Wenn ik
> Di wat raden dörv: Maak de desktop-Datei(en) an't Enn, denn hett Een de
> mehrsten Mellen dor binnen al maal hatt, un weet, worüm dat geiht.
Dat Problem bi kdeedu sünd de natuurwetenschopplichen Programmen, de dorbi 
sünd:
* kstars
* kalzium
* de mathemaatschen Programmen so as kig un kmplot
Dor hebbt wi en Probleem, dat wi ok in de plattdüütsche Wikipedia hebbt: dat 
gifft de Wöör noch nich op Platt un de sünd echt swoor to finnen. 'n poor 
gifft dat al, aber dat hett düert, de to finnen. 

Ik denk mi, bi de Natuurwetenschop is dat wichtig, dat de Wöör, de wi dor 
bruukt, goot sünd. Kloor, dat is jümmers wichtig, aber ik finn dat dor noch 
wichtiger as bi de Reekners. 

Mien Vörslag is, dat wi toeerst eenmal de Wöör insammelt, de wi dor bruukt (op 
Ingelsch un Hoochdüütsch (ut de hoochdüütschen po-Dateien). Un denn denk ik, 
dat wi dor veel tosamen överleggen mööt, wat wi dor mit maakt. Dor mut wi 
wohl ok veel över snacken. Villicht köönt wi dor ok in de Wikipedia mit 
överleggen. Wi hebbt dor nämlich al wat anfungen: 
http://nds.wikipedia.org/wiki/Wikipedia:Wikiprojekt 
mit Ünnersieden so as 
http://nds.wikipedia.org/wiki/Wikipedia:Wikiprojekt
un 
http://nds.wikipedia.org/wiki/Wikipedia:Wikiprojekt_Physik

Ik glööv, KStars löppt nich op Platt, ahn dat dat Vokabular praat is.

Hartlich Gröten,

Heiko
>
> Gröten,
> Sönke
> _______________________________________________
> Kde-i18n-nds mailing list
> Kde-i18n-nds at kde.org
> https://mail.kde.org/mailman/listinfo/kde-i18n-nds


More information about the Kde-i18n-nds mailing list