[Kde-i18n-nds] Mien KDE4 löppt

[Sönke Dibbern]

Am 16.09.2007, 23:31 Uhr, schrieb Heiko Evermann <heiko.evermann at gmx.de>:

> Moin tosamen,
>
> hett noch en beten düert mit mien Klapprekner, man jetzt löppt dat: KDE4  
> mit
> den aktuellen Stand ut trunk. Ik hebb ok twee lütte PO-Dateien fardig  
> maakt
> un hoochladt.
>
> Woans geiht dat nun wieder:
> 1) maakt wi jümmers een Datei na de annere oder
> 2) kopeert wi eerst mal den Stand ut stable un kiekt, wat scripty dormit
> maakt? Aver ji hebbt ja ok al 'n beten wat in trunk maakt, dormit geiht  
> ja
> eegentlich bloots 1)
>
> Un deelt wi dat op oder maakt wi jümmers een Datei na de annere? Dorbi  
> kann ja
> ok nich so veel passeeren, wenn een jümmers toeerst svn up maakt.

Moin Heiko,

eenfach koperen vun stable na l10n-kde4 is nich so goot as Idee, dat  
Formaat vun de po-Dateien hett sik wat ännert un dor is nu gettext>=0.15  
för nödig. Scripty maakt sünst Hackelfleesch ut de po-Dateien, man dat  
gifft en Skript, wat dat Överdregen maakt  
(l10n-kde4/scripts/conversion/convert_po.pl). Dat Överdregen geiht denn so:

msgcat --no-wrap kde3_podatei > kde3_podatei.tmp
perl scripts/conversion/convert_po.pl "Plural-Forms: nplurals=2; plural=n  
!= 1;" kde3_podatei.tmp
msgmerge -o nieg_kde4_podatei.po kde3_podatei.tmp kde4_potdatei.pot

Dien 2) hebb ik al maal daan. Wat glöövst Du, wodennig wi op mehr as 63%  
för applications in KDE 4 kamen sünd. Ik heff en Skript schreven, dat för  
elkeen KDE4-pot-Datei mit en stable-po-Datei mit den sülven Naam dat  
Skript för't Överdregen vun KDE3 na KDE4 opröppt, un de so opstellten  
po-Dateien inspeelt. Bloots för kdewebdev, koffice un trunk/l10n-kde3  
nich, de weern to de Tiet noch nich so wiet. Man dat heff nu jüst maakt,  
un achteran de automaatsche Översetten vun KBabel dor op looslaten. Nu  
sünd wi wull wiet över de 63% hen.

Mi dücht, wi schöölt man de Modulen opdelen, denn blifft de bruukten  
Begrepen tominnst binnen een Moduul de sülven.

Gröten,
Sönke