[Kde-i18n-nds] Veel to veel?

[Heiko Evermann]

Moin tosamen,
> Du hest dor een vun de groten Problemen bi't Översetten anröögt: Wo wiet
> schall dat denn nu gahn mit dat Översetten? Jüst so wiet, as in't
> Hoochdüütsche, so dat de Brukers, de mehr Hooch as Platt snackt, sik
> fuurts torechtfinenn köönt? Man denn mööt wi ok "E-Mail" ansteed vun
> Nettpost/Nettbreef bruken, "Instant Messaging" ansteed vun Kortnarichten,
> "Player" ansteed vun Afspeler, un ik weet nich wat sünst noch allens.
>
> Betherto hebbt wi jümmers so veel as jüst mööglich översett. Wat dor nu
> jümmers gode Begrepen bi rutkamen sünd, dor köönt wi uns vun mi ut jo över
> in de Klafutten kriegen (ik fraag mi so un so, worüm nich veel mehr Lüüd
> maal över dit oder dat meckert) - man dor will ik nich geern vun laten,
> dat wi so veel as bloots mööglich översetten doot.
>
> Wat meent denn ji all, de ji hier mitlesen doot, dor to?
Ik meen: översetten, översetten, översetten un denn kieken, wat de Lüüd 
annehmt. Later köönt wi jümmers noch trüch. Wokeen E-Mail bruken will, de 
kann KDE ok op Ingelsch instellen. Denn is allens Ingelsch. Geiht ok. Jedeen 
so as he dat will.

Harlich Gröten,

Heiko