[Kde-i18n-nds] Goosfööt

[Soenke Dibbern]

An'n Sa., den 13. Jan.'07, hett Temmo Bosse dit Klock 16.03 schreven:

> Wenn dat moi plattdüstke Woorden för de een of anner Begreep gift, dat  
> sallen de ok bruukt worden. Wenn wi alltied en "Utgliek" söken, kummt  
> daar meesttied en leep hoogdütsk Woord bi ruut. Man bi de Goos laat dat  
> man so.

Ik heff nu allens op "Goosfööt" ännert. Sünst giff ik Di recht, wat dat  
Bruken vun plattdüütsche Wöör angeiht, ok wenn de Wöör nu jüst nich  
överall bruukt oder verstahn warrt. Wi mööt bloots oppassen, dat denn ut  
dat plattdüütsche KDE keen "oostfreesk", "dithmarsch" oder  
"mönsterlännsch" KDE warrt, ok de Mekelnborgers schöölt dat bruken könen.

Dor fallt mi jüst wat in: Gifft dat bi jüm dat Woort "Ditsch" as in  
"Eerditsch", "Ogenditsch" un "Aalditsch" (hd. "Eidechse", "Zauneidechse",   
"Waldeidechse")? Oder wat seggt ji to disse Kruupdeerten?

Gröten,
Sönke