[Kde-i18n-nds] aspell-nds

[Soenke Dibbern]

Moin,

An'n Mi., den 22. Nov.'06, hett Heiko Evermann dit Klock 22.44 schreven:

> Moin Sönke,
> [...]
>> Un ik kunn mi denken, dat so Saken, de ik mi gor nich utdenken kann, ok  
>> bi
>> anner Lüüd malöört, de in ehr ISO-Ümgeven de UTF-8-Borns bruken wüllt -  
>> un
>> dat hölpt jo keeneen, wenn dat Opstellen vun uns Wöörbook för anner Lüüd
>> nich oder bloots na Nafraag bi uns mööglich is.
> Dat weer ok möglich, bi dat Utlevern (wat wi ja noch gor nich maakt  
> hebbt), de
> Born nicht mittogeven, man bloots de Woortlist na de sed-Utgaav, oder
> tominnst so, dat dat nich in den normalen make-Loop binnen is, man  
> bloots,
> wenn een "make woortlist" ingifft. Oder so wat in de Oort.
>
> Oder dat blifft iso, wenn dat allens nich geiht.

Ik heff nochmaal in en ISO-Ümgeven (LANG=de_DE at euro) mit de UTF-8-Saken  
rümspeelt, hier un dor an dreiht, düt un dat versöcht, dat ik dor op  
jichtenseen Oort en Fehler rutkettel - hett nich klappt. Keen Fehler. As't  
lett geiht dat ahn Problemen. Dorüm heff ik nu mien niegst Dateiverschonen  
na't CVS inspeelt (as ISO), en Beteker sett ("pre-UTF8") un denn mien  
UTF8-Dateien inspeelt. Ji köönt jo maal versöken, wat ji dor en Fehler  
rutketteln köönt.

Dor fallt mi jüst noch wat in. Heiko, de Datei "info" süht en beten  
snaaksch ut (ik meen de Regen 8-10). Wenn ik dat richtig weet, hest Du ehr  
opstellt un inspeelt. Weetst Du noch, för wat de goot sünd un wat de so  
richtig sünd?

Hoolt sik fuchtig!
Sönke