[Kde-i18n-nds] aspell-nds

[Soenke Dibbern]

An'n Di., den 21. Nov.'06, hett Heiko Evermann dit Klock 22.26 schreven:

> Moin Sönke,
>> Eerstmaal nich, kloor, man dat maakt dat lichter för Lüüd, de ehr  
>> Konsool
>> mit ISO-8859-1/15 löppt. De köönt sik de Dateien denn eenfach ut den
>> ISO-Telg halen un mööt nich noch an de Dateien (besünners nds.dat)
>> rümbasteln. Heff ik mi dacht.
> Ik harr dacht, de Konsool hett ehr Tekensett (un weet den ok) un aspell  
> hett
> sien Tekensett (un weet den ok) un de Rest warrt ümrekent. Blots de  
> Koderen
> vun de Aspell-Datein mutt to de Koderen passen, de in aspell-nds anmellt  
> is.
> Oder is dat to eenfach dacht?
Je nu. Op mien UTF-8-Konsool geiht dat Opstellen vun't Wöörbook över  
'configure' un 'make' in de Büx, wenn de Borndateien mit ISO-8859-x  
kodeert sünd, wiel 'sed' hier dwarsdrievt. Bi de Vörverarbeiden kriggt sed  
ISO-Koden för äöü usw. vörsett, as't lett verwacht dat avers UTF8-Koderen  
- wat dor bi rutsuuert is, dat sed bi äöü usw. sien Loop afbrickt un den  
nakamen anfangt - kummt nich veel bruukboren Kraam bi rut. Dat lett sik op  
twee Oorden lösen: Ik kann de Daten direktemang bi't Opstellen na UTF8  
wanneln  - bloots för sed - un achteran wedder retuur, dormit de Daten ok  
so utseht, as aspell dat na nds.dat verwachten dörf; oder ik kann de Daten  
heel un deel na UTF8 ümwanneln un nds.dat topassen, un denn heff ik den  
Vördeel, dat ik op allens ahn wieder Gedööns mit mien normale Warktüüch  
togriepen kann, wiel bi mi so un so allens op UTF8 löppt.

Un ik kunn mi denken, dat so Saken, de ik mi gor nich utdenken kann, ok bi  
anner Lüüd malöört, de in ehr ISO-Ümgeven de UTF-8-Borns bruken wüllt - un  
dat hölpt jo keeneen, wenn dat Opstellen vun uns Wöörbook för anner Lüüd  
nich oder bloots na Nafraag bi uns mööglich is.

Aver villicht hest Du ok recht un mien Idee is en beten överieverig. Ik  
kann jo nu eerstmaal en TAG na't CVS tofögen, dor köönt wi denn ok later  
noch en Telg ut maken, wenn dat nödig is.

>>> Bloots een Saak weet ik nich: bruukt een denn noch en Mapping-Tabell as
>>> för iso8859-15?
>>
>> So wiet as ik dat rutleest un -fummelt heff: Jo. Aspell arbeidt intern  
>> mit
>> en 8-Bit-Tekensett, den een as "charset" binnen nds.dat angeven mutt. Du
>> hest aver op en anner Oort wull recht, dat wi dat nich bruukt, wiel  
>> Aspell
>> de Dateien so un so binnen sien data-dir (t.B. /usr/lib/aspell-0.60/)
>> söcht, wi bruukt se also för Standardinstallatschonen vun Aspell nich
>> mitlevern.
> Blots för UTF is dor keen koderen bi. Oder bruukt dat keen  
> Mappingtabell, wenn dat UTF is?

Heff ik ok sehn, weet ik aver nich. As't lett is UTF8 op jichtenseen Oort  
inbuut.

Hartlich Gröten,
Sönke