[Kde-i18n-nds] aspell-nds

[Soenke Dibbern]

An'n Di., den 21. Nov.'06, hett Heiko Evermann dit Klock 14.28 schreven:

> Moin Sönke,
>> So, nu heff ik mi dor maal ransett, un as't lett löppt dat ok. Ik plaan
>> nu, dat ik in't CVS en nieg Telg "iso8859-15" (oder so) opstell un HEAD
>> denn na UTF8 ümwannel. Denn mööt wi niege Verschonen vun woortlist.txt
>> usw. tweemaal inspelen (eenmaal mit ISO- un eenmaal mit UTF8-Koderen),  
>> is
>> jo aver keen groot Arbeit. Wat denkt Ji dor över?
> Is dat nich noog, de Coderen vun all de Dateien to ännern un dat nieg  
> hoochtoladen? 'N Niegen Twieg bruukt wi dor doch nich för.
Eerstmaal nich, kloor, man dat maakt dat lichter för Lüüd, de ehr Konsool  
mit ISO-8859-1/15 löppt. De köönt sik de Dateien denn eenfach ut den  
ISO-Telg halen un mööt nich noch an de Dateien (besünners nds.dat)  
rümbasteln. Heff ik mi dacht.

> Bloots een Saak weet ik nich: bruukt een denn noch en Mapping-Tabell as  
> för iso8859-15?
So wiet as ik dat rutleest un -fummelt heff: Jo. Aspell arbeidt intern mit  
en 8-Bit-Tekensett, den een as "charset" binnen nds.dat angeven mutt. Du  
hest aver op en anner Oort wull recht, dat wi dat nich bruukt, wiel Aspell  
de Dateien so un so binnen sien data-dir (t.B. /usr/lib/aspell-0.60/)  
söcht, wi bruukt se also för Standardinstallatschonen vun Aspell nich  
mitlevern.

Gröten,
Sönke