[Kde-i18n-nds] Projekt-Nettsieden [weer: Woans löppt dat hier?]

[Soenke Dibbern]

An'n Mi., den 26. Apr.'06, hett Soenke Dibbern dit Klock 11.53 schreven:

> An'n Di., den 25. Apr.'06, hett Heiko Evermann dit Klock 22.46 schreven:
>> Wat ok goot weer, ween 'n Plan, woans wi dat maakt. Un wi mutt ok
>> nadenken, wann wi von Stable na Trunk wesselt. Wenn wi dat to laat
>> maakt, is de Tiet to kort, dat to översetten. Wenn wi dat to fröh
>> maakt, ännert sik noch to veel.
> Na, mi dücht, wi schöölt den Weten man nich döschen, ehr he op de Schüün
> is. ;) [...] Dorför heff ik kdepim as mien Hööftarbeit fastleggt, man
> Een kunn wull ok goot kdegraphics, kdeutils oder villicht ok wat vun
> extragear as wichtiger estemeren.
Wat ik noch vergeten heff: Wat mi ok an't Hatten liggt, sünd uns  
Projekt-Nettsieden op nds.i18n.kde.org (intwischen liggt se jo op  
nds.l10n.kde.org). De mööt nödig maal wedder op'n Stand brocht warrn. Mi  
dücht, dat wi mit so ool Informatschonen, de deelwies intwischen ok  
eenfach verkehrt sünd, keen niege Översetters towinnen köönt.

Ik kunn dat wull sülven maken, man ik heff keen Schriefverlööf för dat  
www-Moduul. Heiko, wat meenst Du, wullt Du dat maken oder schall ik mi dor  
maal an versöken un Di dat denn toschicken? (Ik glööv, ik heff Di al maal  
wat schickt, bün mi dor aver nich mehr recht över seker.)

Gröten,
Sönke