[Kde-i18n-nds] Linuxtag 2005 in Karlsruhe

[heiko.evermann at gmx.de]

Moin Volker, 

Vun den 22. bet to den 25. Juni 2005 is in Karlsruhe de Linuxdag. Dat is doch 
de Stadt, wo Du ok studeren deist.

Nu studeert de Broder vun miene Fru ok in Karlsruhe un de hett al lang seggt, 
dat wi mit de hele Familie ehm maal besöken schullt, un da hebb ik mi dacht, 
dat passt ja goot tosammen un villicht kunnt wi twee un de annern Lüüd vun 
KDE op Platt uns in'n Junimaand maal in Karlsruhe drepen, so dat wi uns ok 
maal to sehen kriegt un villicht kunnt wi dann op den KDE-Stand maal wat över 
dat Översetten vun KDE vertellen un över Minderheitenspraken. Oder villicht 
sogaar een Referaat da över holen.

Wat denkst Du?

För 'n Referaat mutt wi bloots op 
http://www.linuxtag.org/typo3site/cfp.0.html?&L=0 bet to den 15. Januer 
vertellen, dat wi wat maken wullt, so dat wi ok in dat Programm rinkummt. 
So ünner "Gesellschaftliche Aspekte Freier Software" hebbt wi ja villicht wat 
to vertellen.
Und 'n Workshop köönt wi da ok maken. 

Hartlich Gröten,

Heiko

PS: dat Team vun Freesch (ut den Nederlannen) hett dat nu ok schafft, in't CVS 
rintokummen. Ik heff mi mit Ries över dat letzte Jahr vele Nettbreven 
schreven un em vertellt, wat een dor allens för doon mut, un nu hett he ok 'n 
poor Lüüd funnen, de em mit Freesk helpen deit. Un de ehr Problemen sünd ok 
so 'n beten as bi uns mit uns Platt.