[Kde-i18n-fry] FW: Betr.: Frysk pangram

[Andries Annema]

Nei oanlieding fan myn fraach oan de Fryske Akademy om in Frysk pangram
te betinken, krige ik ûndersteande reaksje.

Andries





-----Original Message-----
From: Sijens [mailto:hsijens at fa.knaw.nl] 
Sent: woensdag 16 februari 2005 8:09
To: an3s_annema at planet.nl
Subject: Betr.: Frysk pangram

Achte Annema,

Ik haw jo fraach foarlein oan twa ynternetfoarums. Op it forum
taalstúdzje (http://nic.surfnet.nl/archives/taalstudzje.html ) reagearre
Joop Oostra. Hy kaam mei de ûndersteande reaksje. Ik haw se neigien en
seach dat de oplossings mei 33 en 32 letters net goed binne. Dêr mist de
s yn. Dy fan 35 en 34 binne wol goed, mar brûke in pear dûbeld.
In oar reagearre noch op Oostra mei de opmerking dat de q en x misse. Ik
nim oan dat jo om 24 letters frege hawwe om't de q en x gewoanwei net yn
'e stavering foarkomme. 
Ik hoopje dat jo hjir fierder mei kinne.

Mei groetnis,

------------------------
Wol in aardichheid om in Frysk pangram te betinken en dan ien dy't goed
rint en taalkundich ek noch doocht. De útdaging is fansels om it pangram
sa koart mooglik te hâlden. Ik haw in stik of tsien betocht dy't
allegearre mei deselde trije wurden begjinne. De moaiste (7 wurden en
mei-inoar 35 letters) fyn iksels:

'Alve bazige froulju wachtsje op dyn komst'.  

It kin mei in letter minder (34): 'Alve bazige froulju wachten op dyn
komst'. 

Of mei noch ien minder (33): 'Alve bazige froulju wachten op dynamyk'.

Of mei noch ien minder (32): 'Alve bazige froulju wachten op myn dak /
dok / dek / dyk'.
'Alve bazige froulju wachten Dykman op'. (de namme Dykman komt foar).

De rest sil ik dy besparje. Wy hawwe de hichte wol wer!

Groetnis,
Joop Oostra



Hindrik Sijens
Fryske Akademy
postbus 54
8900 AB Ljouwert
058 - 234 30 55 
foar taalfragen: taalburo at fa.knaw.nl
http://www.fryske-akademy.nl
-------------- next part --------------
An HTML attachment was scrubbed...
URL: http://mail.kde.org/pipermail/kde-i18n-fry/attachments/20050216/ca2887d2/attachment.html