ಸ್ನೇಹಿತರೆ,<br>ಕಳೆದ ಗುರುವಾರ ಕೆಡಿಇ ಕೆಲಸಕ್ಕೆ ಬಹಳ ಪ್ರೋತ್ಸಾಹ ನೀಡುವಂತಹ ಘಟನೆಯೊಂದು ನಡೆಯಿತು. ಶ್ರೀಯುತ ಶಂಭು ಹೆಸರಿನ ಕನಕಪುರದ ಬಳಿಯ ಹಳ್ಳಿಯ ಒಬ್ಬರು ಮೇಷ್ಟ್ರು ನನ್ನನ್ನು ಭೇಟಿಯಾದರು. ಇವರು ನಾವು ಶಿಕ್ಷಕರ ಬಗ್ಗೆ ಭಾವಿಸುವಂತೆ ಕಂಪ್ಯೂಟರ್ ಅನಕ್ಷರಸ್ಥರೇನಲ್ಲ. ಮನೆಯಲ್ಲಿ fedora core 7 ಲೈನಕ್ಸ್ ಅನುಸ್ಥಾಪನೆ ಉಳ್ಳವರು, ಲ್ಯಾಪ್ ಟಾಪ್ ಉಪಯೋಗಿಸುವವರು! ಕನಕಪುರ ತಾಲ್ಲೂಕಿನ ಹಲವು ಹಳ್ಳಿಯ ಶಿಕ್ಷಕರು ಈಗಾಗಲೇ ಉಡಿಗಣಕಗಳನ್ನು ಬಳಸುತ್ತಿದ್ದಾರಂತೆ!, ಎಲ್ಲಾ ಒಂದು "ಶಿಕ್ಷಣ" ಹೆಸರಿನ ಸಂಘಟನೆಯಿಂದಾಗಿ.(
<a href="http://www.sikshana.org" target="_blank" onclick="return top.js.OpenExtLink(window,event,this)">www.sikshana.org</a>)<br><br>ಎಲ್ಲಕ್ಕಿಂತಲೂ ಮಿಗಿಲಾಗಿ ಇವರು ಈಗಾಗಲೇ ಕೆಲವು ಅನ್ವಯಗಳನ್ನು ಕನ್ನಡಕ್ಕೆ ಭಾಷಾಂತರಿಸಿದ್ದಾರೆ. ಸ್ಟೆಲ್ಲೇರಿಯಂ, ಕೆ ಸ್ಟಾರ್ಸ್ ಮುಂತಾದವು. ಇವರ ಶಾಲೆಯ ಮಕ್ಕಳಿಗೂ ಗಣಕದ ಪ್ರಭಾವ ತಟ್ಟಿದ್ದು, ಅವರು ಲೈನಕ್ಸ್ ನ ಆಟಗಳನ್ನು ಬಹಳ ಇಷ್ಟಪಡುತ್ತಾರಂತೆ. ಈ ಎಲ್ಲಾ ಕಾರಣಗಳಿಂದಾಗಿ ಅವರಿಗೆ ಕೆಡಿಇ ಇಡಿಯು (kdeedu) ನ ಹಲವು ಅನ್ವಯಗಳನ್ನು ಕನ್ನಡೀಕರಿಸುವ ಆಸ್ಥೆ ಇದೆ.ಅಷ್ಟೇ ಅಲ್ಲದೆ, kdebase ಅನ್ನು ಮುಗಿಸಲು ಕೈಹಾಕಲೂ ಸಿದ್ಧರಿದ್ದಾರೆ. ಅವರಿಗೂ ಈಗ ಒಂದು ಕಡತವನ್ನು ಅಂಟಿಸಿದ್ದಾಗಿದೆ :-). ಅವರ ಜೊತೆಗೆ ಇನ್ನೂ ಹಲವು ಶಿಕ್ಷಕರನ್ನೂ ಈ ಕೆಲಸಕ್ಕೆ ತೊಡಗಿಸುವುದರಲ್ಲಿ ಭರವಸೆಯಿಂದಿದ್ದಾರೆ. ಇದು ನಮಗೆ ನಿಜಕ್ಕೂ ಸಂತೋಷ ನೀಡಬೇಕಾದಂತಹ ವಿಚಾರ. ಅವರೂ ನಮ್ಮ ಬಳಗಕ್ಕೆ (kde-l10n-kn) ಗೆ ಈಗಾಗಲೇ ಸೇರಿದ್ದಾರೆ. ಅವರಿಗೆ ನಿಮ್ಮೆಲ್ಲರ ಪರವಾಗಿ ಸ್ವಾಗತವನ್ನು ಕೋರುತ್ತೇನೆ.ನಮ್ಮ ಕೆಲಸ ಸಮಯಕ್ಕೆ ಸರಿಯಾಗಿ ಮುಗಿದಲ್ಲಿ ಅವರಿಗೆ ಬಹಳ ಪ್ರಯೋಜನಕಾರಿಯಾಗುವುದೆಂಬ ಆಶ್ವಾಸನೆಯನ್ನೂ ಅವರು ನಮಗೆ ನೀಡಿದ್ದಾರೆ.
<br><br>ಇಂತಿ,<br>ಉಮೇಶ<br>